Әлемдегі ең ірі медиа форумдардың бірі саналатын “TRT World Forum” 9-шы рет 31 қазан – 1 қараша күндері Стамбулда өтеді. Іс-шараға түрлі саладан көптеген баяндамашы мен сарапшы қатысады.

Түркия Телерадио Корпорациясы (TRT) ұйымдастыратын форум әлемнің түкпір-түкпірінен сарапшылар мен жоғары деңгейлі ресми тұлғаларға бас қостырады.

Биылғы форумның тақырыбы «Жаһандық қайта құру: Ескі тәртіптен жаңа шындықтарға» болмақ. Іс-шара жаһандық тұрақсыздықтың күшеюі мен халықаралық қоғамдастықтың алдында тұрған өзекті мәселелерге назар аударады.

Өткен жылдары мыңдаған кісі қатысқан “TRT World Forum” жоғары деңгейлі саясаткерлер мен дипломаттардың ерекше қызығушылығына ие болған еді.

Биылғы отырыстарда Түркияның қорғаныс саясаты, Сирияны қайта құру, көпполярлы әлемдегі дипломатия мен басқару сияқты негізгі халықаралық мәселелер қарастырылады.

Сонымен қатар панельдерде геосаясат, қауіпсіздік, климат пен энергетика, технология, медиа, халықаралық құқық және жаһандық экономикалық өзгеріс тақырыптары да талқыланады.

2017 жылдан бері форумға қатысып келе жатқан Президент Режеп Тайып Ердоғанның биыл да халықаралық даму мәселелеріне байланысты сөз сөйлеуі жоспарланды.

Форум диалогты ынталандыруды, шешім қабылдаушыларды тоғыстыруды және жаһандық дағдарыстар мен өзгерістерді басқаруға қатысты жаңа стратегиялық көзқарас ұсынуды мақсат етеді.

“TRT World Forum 2025”-ке тіркеу trtworldforum.com сайтында жалғасуда.