Ердоған: «Түркия еуропалық одақтастарымен қорғаныс жобалары бойынша ынтымақтастықты жеделдетеді»

Түркия президенті Режеп Тайып Ердоған Түркияның ұлттық қорғаныс жобаларын жедел ілгерілетіп, Еуропадағы одақтастарымен ұтымды әріптестік қағидаты негізінде қорғаныс саласындағы ынтымақтастықты нығайтатынын айтты.

Дүйсенбі күні Анкарада өткен Үкімет отырысынан кейін баспасөз мәслихатында Ердоған: «Отандық және ұлттық қорғаныс жобаларымызды жылдам жүзеге асырып, Еуропадағы одақтастарымызбен қорғаныс саласындағы ынтымақтастығымызды ұтымды әріптестік қағидаты негізінде күшейтеміз», - деді.

Мемлекет басшысы елдің қорғаныс жобаларына тоқталып, отандық соғыс ұшағы «KAAN»-ның белгіленген кестеге сәйкес Түрік Әуе күштерінің қару-жарақ құрамына енгізілетінін атап өтті. Ердоғанның айтуынша, «HÜRJET» өз саласында жетекші болуды мақсат етсе, барлық кезең аяқталған соң «KAAN» да өз санатында жетістікке жету үшін бар күшін салады.

Сондай-ақ Ердоған терроризмнен толық арылған мемлекет құру жолындағы күш-жігерге тоқталып, Түркияның өз аумағында да, көрші елдерде де лаңкестік әрекетті қаламайтынын баса айтты. Ол мемлекеттің терроризмге қарсы ұзақ жылдар бойы жүргізіп келе жатқан күресінің маңыздылығын ерекше атап өтті.