Бейсенбі күні Анкарада өткен Түрік Қызыл жарты ай ұйымының марапаттау рәсімінде сөз алған президент Ердоған ұйымның гуманитарлық қызмет арқылы әлемнің түрлі қақтығыс аймақтарындағы бауырлас халықтардың жадында ерекше орын алғанын айтты.
«Түрік Қызыл жарты ай ұйымы Палестина, Босния, Ауғанстан, Сомали, Ирак және Сирияда атқарған жұмыстарымен бауырларымыздың жадынан ерекше орын алды», – деді президент.
Ол Газадағы жұмыстарға тоқталып, «Ұйым Нетаньяху бастаған сионист топтың шабуылдары жалғасып жатқан Газаға 26 мың тоннадан астам гуманитарлық көмек жеткізді», – деді.
Сондай-ақ Ердоған 7 қазаннан бері Қызыл жарты ай ұйымының Газа халқына қолдау көрсетіп, 30 мың адамға ыстық тағам таратқанын атап өтті.
«Түркия езілген халықтарға көмек қолын созып, басқыншы топтың заң мен тарих алдында жауап беруі үшін бар күш-жігерін жұмсауды жалғастырады», – деген Ердоған нацистік Германия басшысының жолын қуып жүргендерге ескерту жасады.
«Бүгінде Гитлердің жолымен жүргендер ұмытпасын! Егер осы бағыттан таймаса, олардың тағдыры да тарихтағы өзге зұлымдардың тағдыры сияқты болады», – деді ол.
Ердоған сондай-ақ қазіргі басшылық тұсында Израильдің шикізаты қан мен көз жасы екенін, елдің тұрақсыздық фабрикасына айналғанын жеткізді.
