АҚШ Ормуз бұғазына қатысты Иранға жаңа ескерту жасады
АҚШ президенті Трамп Ормуз бұғазы қайта ашылмаған жағдайда Иранның энергия және су инфрақұрылымына соққы берілетіні жөнінде ескерту жасады.
Президент Трамп Тегеранға Ормуз бұғазына қатысты тағы бір рет ескерту жасап, келісім жасалмаған жағдайда Иранның мұнай инфрақұрылымы мен электр станциялары АҚШ шабуылына ұшырауы мүмкін екенін хабарлады.
Трамп сондай-ақ Иранды таза сумен қамтамасыз ететін қондырғыларға да шабуыл жасаймыз деп қорқытты.
АҚШ президенті өткен аптада Иранның энергетикалық нысандарына жасалатын шабуылдарды 6 сәуірге дейін тоқтататынын айтқан еді.
Трамп АҚШ пен Иран арасындағы келіссөздерде ілгерілеу бар екенін айтқанымен, аймаққа қосымша әскер жіберуді жалғастырды.
Иран басшылары АҚШ-пен тікелей келіссөз жүргізіліп жатқанын жоққа шығарды.