АҚШ президенті Дональд Трамппен кездесуге тоқталған президент Ердоған: «Қадірлі досыммен (Трамп) Анкарада бас қосу бізге ерекше күш берді. Бұл сапардың қаншалықты маңызды екенін ерекше атап өткім келеді», — деді.
Аймақтық тұрақтылықты қамтамасыз ету бағытындағы дипломатиялық күш-жігерге тоқталған Ердоған: «Иран-Америка қарым-қатынастарын қалай оңтайлы арнаға түсіреміз деген ізденіс үстіндеміз. Қолдан келгеннің бәрін жасай отырып, әлемдік бейбітшілікке қадам басу үшін жұмыс істеп жатырмыз», — деген пікір білдірді.
Газадағы жағдай мен аймақтық бейбітшілікке байланыстын президент Ердоған: «(Газа бойынша) Қадірлі досыммен (Трамп) ақылдаса отырып, аймақтағы бейбітшілікті орнату тұрғысынан бұл Көшбасшылар саммитіне үлкен мән береміз», — деп атап өтті.
«F-35 мәселесі біз үшін жаңа тақырып емес»
F-35 үдерісіне қатысты баға берген Ердоған бұл мәселенің тарихына тоқталып, «F-35 мәселесі біз үшін жаңа тақырып емес, бұны біз Америкамен бұған дейін де талқылағанбыз және бізге 5 ұшақ бойынша уәде берілген болатын», — деді. Саммиттен күтетін үмітін білдірген Ердоған: «Иншалла, F-35 мәселесінде бұл Көшбасшылар саммитінен игі шешім шығатынына сенемін», — деген мәлімдеме жасады.
«Ресей-Украина бағытында өзгерістерге қарай қадам басамыз»
Кездесуде талқыланатын басқа да аймақтық мәселелерге тоқталған Ердоған: «(Трамппен) Біз Ресей мен Украина арасындағы жағдайларды да осы жерде қадірлі досыммен талқылаймыз және соған сәйкес қадамымызды басамыз», — деді.
«Саммиттен қуатты нәтижемен шығамыз»
Сөзінің соңында НАТО аясындағы серіктестіктің маңыздылығын баса айтқан президент Ердоған: «НАТО-дағы екі маңызды ел ретінде Көшбасшылар саммитінен ынтымақтастық ішінде қуатты нәтижемен шығамыз және бұған қол жеткізетінімізге сенеміз», — деп сөзін қорытындылады.
