"Израиль Сирияның бөлінуінен пайда табады"
Сыртқы істер министрі Түркияның Сириямен қорғаныс саласындағы заңды ынтымақтастықты әрқашан қолдағанын айтты.
Түркия Сыртқы істер министрі Хакан Фидан “Израиль Сирияның бөлінуінен пайда көріп, оның тұрақсыздығын жалғастыруды қалайды” деді.
Ол БАҚ-қа берген сұхбатында «Менің ойымша, Шара әкімшілігі шектеулі мүмкіндігіне қарамастан, аймақ пен халықаралық қауымдастықтың үміттеріне жауап берді», – деді.
Сирия мен аймақтағы АҚШ-тың рөлі туралы пікір білдірген Түркия Сыртқы істер министрі Вашингтонның Израильмен қатынасын есептемегенде, АҚШ аймақта өте конструктивті рөл атқарғанын айтты.
Сириямен қорғаныс саласындағы ынтымақтастық туралы ол Түркияның әрдайым заңды ынтымақтастықты қолдайтынын атап өтті.
Фидан осы аптадағы бір мәлімдемесінде «Егер Сириядағы топтар бөліну мен тұрақсыздыққа бет бұрса, Түркия оны ұлттық қауіпсіздігіне тікелей қауіп деп санап, араласатын болады», – деген еді.
Министр Анкараның диалогқа дайын екенін және топтардың бөлінуді көздемейтін кез келген талаптарын орындауға дайын екенін айтты.
«Израиль өз аймағын әлсіретіп, оны хаоста ұстауға бағытталған саясат жүргізуде», – деді ол. “Израиль тұрақты ел көргісі келмей, Сирияны бөлуді көздейді” деп қосты.
Ол Анкараның Израильдің шабуылынан кейін Сирияның оңтүстігіндегі оқиғаларды мұқият бақылап отырғанын білдірді.
Фиданның айтуынша, бүкіл халықаралық қауымдастық пен аймақтық ойыншылар Сирияның терроризмнің ошағы немесе заңсыз көші-қон көзі болмауын қамтамасыз етуге тырысып жатқанда, Израиль елдегі бейбітшілік, тұрақтылық және қауіпсіздік орнатуға бағытталған барлық күш-жігерді бұзуға талпынып отыр.
Аймақтағы қақтығыстар мен соғыстарды тоқтату үшін Түркияның ұзақ уақыттан бері қарқынды күш жұмсап келе жатқанын атап өткен Фидан елінің дипломатиялық бастамаларға да адалдығын қайталады.