Ресей бейсенбі күні таңертең Киевке ауқымды шабуыл жасады. Украина билігінің мәліметінше, шабуыл салдарынан кемінде бес адам қаза тауып, шамамен 40 адам жараланған.
Украина Әуе күштері Ресей ұшырған 675 ҰҰА-ның 652-сін және 56 зымыранның 41-ін жойғандарын хабарлады.
Украина президенті Владимир Зеленский тұрғын үйлер, мектеп және ветеринарлық клиника секілді азаматтық инфрақұрылым нысандарының зақымданғанын айтып, мұндай әрекеттердің бейбітшілік орнату талпыныстарымен үйлеспейтінін атап өтті.
Ал Ресей бұл шабуылдардың қарымта соққы сипатында болғанын, әскери нысандар мен энергетикалық инфрақұрылым объектілерінің нысанаға алынғанын мәлімдеді.
Сонымен қатар Зеленский Ресей дрондарының Херсон қаласында Біріккен Ұлттар Ұйымының көлігін әдейі нысанаға алғанын, алайда адам шығыны болмағанын айтты.
