Песков астана Мәскеуде журналистерге күн тәртібіндегі мәселелерге қатысты мәлімдеме жасады.

Украина дағдарысын бейбіт жолмен шешуді жақтайтындарын айтқан Песков: «Ресей өз мақсаттарына бейбіт келіссөздер арқылы жетуге ашық. Бұған Ресей президенті Владимир Путин де ашық», — деді.

Украинаның дағдарысты бейбіт жолмен шешу процесін жалғастыруға ниетті еместігін білдірген Песков: «Киев бейбіт түрде шешуге құлықсыз болған жағдайда, біз (Украинадағы) арнайы әскери операцияны жалғастыра береміз. Украина тарапы шиеленісті арттыруға тырысып жатса, біз Украинадағы қауіпсіздік аймағын кеңейтуді жалғастырудамыз», — деді.

Украина әскерінің Ресейдің бақылауындағы Запорожье атом электр станциясына жасаған шабуылдарын үдеткеніне назар аударған Песков бұның өте қауіпті екенін баса айтты.

Дмитрий Песков бұл мәселе бойынша Халықаралық атом энергиясы агенттігімен байланыста екендерін жеткізді.

Ресей президенті Путин мен АҚШ президенті Дональд Трамп арасында телефон әңгімесі жүзеге аспағанын айтқан Песков АҚШ тарапымен байланысты үзбей отырғандарын білдірді.

Ресей өкілі Песков: «Түрік баспасөзі Түркияның америкалық санкциялардан құтылу үшін С-400 жүйелерін басқа біреуге сатқанын жазды. Түркия бұл мәселе бойынша Ресейден рұқсат сұрады ма? Ресей бұған қандай реакция білдірді?» — деген сұраққа: «Бұл — өте нәзік мәселе. Түркиямен бұл тақырыпта байланыстарымыз болды. Түрік тарапымен бұл бағыттағы келіссөздерді алдағы уақытта да жалғастырамыз», — деген мәлімдемемен шектелді.