Рим Папасы XIV Лео Сұлтанахмет мешітіне барды
Папа Стамбулда Осман дәуірінен қалған атақты мешітті аралады.
Ватикан мемлекетінің басшысы Папа XIV Лео Түркияға ресми сапары аясында сенбі күні тарихи Сұлтанахмет мешітіне барды. Папа өз делегациясымен бірге алты мұнаралы алғашқы Осман мешіті ретінде танымал осы мешітті аралады.
Папаға бұл сапарда Түркия Мәдениет және туризм министрі Мехмет Нури Ерсой, Стамбул мүфтиі Емруллах Тунжел және мешіт қызметкерлері серік болды. Муаззин Ашкын Муса Тунжа Папаға мешіттің сәулеті мен тарихи маңызы жөнінде ақпарат берді.
Папа XIV Лео президент Режеп Тайып Ердоғанның шақыруымен алғашқы ресми шетелдік сапарымен Түркияға келген болатын. Ол келісімен жаһандық бейбітшіліктің маңыздылығын атап өтіп, бұл сапарының әлем үшін бейбітшіліктің маңыздылығын айқындайтынына үміт білдірген еді.
Папаны Анкарада әуежайында Мәдениет және туризм министрі Мехмет Нури Ерсой және басқа өкілдер қарсы алды. Папаға серік болған делегация құрамында кардинал Пьетро Паролин және архиепископ Пол Ричард Галлахер сынды Ватикан өкілдері бар.