Сыртқы істер министрлігі дереккөздерінің мәліметінше, кездесу Иордания премьер-министрінің орынбасары әрі Сыртқы істер министрі Айман әс-Сафадидің төрағалығымен өтеді.
Жиынға Түркия,Иордания, Палестина, Мысыр, Пәкістан, Сауд Арабиясы, Катар, Индонезия, Бахрейн, Ирак, Марокко, Тунис, Алжир, Сомали және Малайзияның жоғары лауазымды өкілдері, сондай-ақ Араб мемлекеттері лигасының Бас хатшысы қатысады.
Кездесу барысында Иерусалимдегі қасиетті орындардың тарихи және құқықтық мәртебесін сақтаудың маңызы және осыған қатысты мәселелер, Шығыс Иерусалим мен Батыс жағалаудағы ахуал, Израильдің халықаралық құқыққа қайшы әрекеттері, Газадағы атысты тоқтату үдерісі, Палестина мәселесіндегі соңғы оқиғалар, екі мемлекет қағидатына негізделген шешімді жүзеге асыруға бағытталған халықаралық күш-жігер, сондай-ақ өңірлік бейбітшілік пен тұрақтылықты нығайту үшін ортақ ұстанымдар мен ынтымақтастық мүмкіндіктері талқыланады деп болжануда.
Министр Фидан өз сөзінде Иерусалимнің мұсылмандар үшін діни, тарихи және мәдени маңызын атап өтіп, қаланың тарихи әрі құқықтық мәртебесін сақтау халықаралық қауымдастықтың ортақ міндеті екеніне назар аудармақ.
Сондай-ақ министрдің Израильдің Әл-Ақса мешітінің тарихи және құқықтық мәртебесін өзгертуге бағытталған әрекеттеріне, қоныстанушылардың зорлық-зомбылығы мен арандатушылық іс-әрекеттеріне, сондай-ақ Иерусалимдегі христиандық қасиетті орындар мен мекемелерге қарсы жасалып жатқан заң бұзушылықтарға тоқталуы жоспарлануда.
