Шенеуніктердің айтуынша, Украинаның астанасы Киев Ресейдің дрондары мен зымырандарының ауқымды шабуылына ұшырап жатыр.
Астана әскери әкімшілігінің басшысы Тимур Ткаченко бейсенбі күні құлаған дрон сынықтары қаланың түрлі аудандарындағы ғимараттарға, соның ішінде тұрғын үйлерге тигенін айтты.
Киев мэрі Виталий Кличко да астананың Ресейдің қарқынды шабуылы астында екенін айтып, “Telegram” желісінде: «Жау Киевке дрондар мен баллистикалық зымырандармен шабуыл жасап жатыр», - деп жазды. Ол сондай-ақ қаланың «жаудың жаппай шабуылы астында» екенін жеткізді.
Кличконың айтуынша, бейсенбі күнгі шабуылдар бес қабатты тұрғын үйге зақым келтіріп, тұрақта тұрған көліктің өртенуіне себеп болған.
Ресми емес “Telegram” арналары көпқабатты тұрғын үйлердің кей бөліктері өртеніп жатқанын көрсететін видеолар жариялады. Алайда қаза тапқандар туралы ақпарат түскен жоқ.
Украина Әуе күштері Ресей зымырандарының елдің басқа аймақтарын да нысанаға алғанын хабарлады. Атап айтқанда, солтүстіктегі Харьков, Сумы және Чернигов облыстары, сондай-ақ орталықтағы Полтава өңірі шабуылға ұшыраған.
