Ресей Киев маңына дронмен шабылдады

Ресей дронының шабуылы салдарынан Украина астанасының шетінде бір адам қаза тауып, 11 адам жараланды. Бұл туралы облыс губернаторы хабарлады.

Киев облысының губернаторы Микола Калашнык тағы бір дрон шабуылы болғанын мәлімдеді. Ол құтқарушылардың көп қабатты бір тұрғын үйден азаматтарды эвакуациялап жатқанын білдірді. Өрт сөндіру жұмыстары да жалғасып жатыр.

Калашнык “Telegram-да” «Өкінішке қарай, Вышгородқа қарсы жасалған дұшпан шабуылының салдарынан бір адам қаза тапты және 11 адам жараланды. Олардың арасында бір бала бар», — деп жазды.

Жұма күні түнде болған Ресейдің дрон шабуылы мен зымыран соққысында үш адам қаза тапқан еді. Осы шабуылдан кейін Украина көлемінде жүз мыңдаған тұрғын электр жарығынан мақұрым қалды.

Бейбітшілік келіссөздері

Украина президенті Владимир Зеленскийдің айтуынша, сенбі күні украиналық келіссөз делегациясы атысты тоқтату жөнінде АҚШ жоспары бойынша талқылау жүргізу үшін Америка Құрама Штаттарына аттанды.

АҚШ-тың бастапқы ұсынысы Киевті шығыстағы Донецктен шегінуге мәжбүр етіп, Донецк, Қырым және Луганск аймақтарын Ресейге тиесілі деп тануды көздеді.

Киев және Еуропадан келген сындардан кейін АҚШ бастапқы жобаны жұмсартты, сондықтан жоспардың соңғы қалпы әлі нақты емес.

Зеленский дүйсенбі күні Франция президенті Эммануэль Макронмен кездесу өткізу үшін Парижге бармақ.

Ал Кремль Ресей әлі де келіссөздерге ашық екенін білдірді.