Ресей Сыртқы істер министрлігінің өкілі Мария Захарова осы аптаның басында болған жарылыстарда Иранның Исфахан қаласындағы Ресей консулдығына зақым келгенін мәлімдеді.

Захарова Ресейдің дипломатиялық өкілдігіне жасалған шабуыл халықаралық келісімдердің «айқын бұзылуы» екенін және барлық тараптар «дипломатиялық орындардың қол сұғылмаушылығын» құрметтеу керек екенін айтты.

Захарова министрліктің сайтында жарияланған мәлімдемесінде «8 наурызда Иранның Исфахан қаласындағы Ресей консулдығы жақын маңдағы аттас провинция губернаторының кеңсесіне жасалған шабуыл нәтижесінде зақымдалды», - деді.

«Кеңсе ғимараты мен тұрғын үйлердің терезелері сынған, ал жарылыс күші бірнеше қызметкерді құлатқан. Бақытымызға қарай, ешкім жарақаттанып, қаза тапқан жоқ»,- деп қосты баспасөз хатшысы.

Бұл оқиға АҚШ пен Израильдің Иранға қарсы бастаған соғысынан кейін күшейген шиеленіс жағдайында болып отыр.

Кремльдің мәлімдеуінше, Ресей президенті Владимир Путин де сейсенбі күні Иран президенті Масуд Пезешкианмен жалғасып жатқан қақтығыстарды талқылады.

Путин шабуылдарды дереу тоқтатуға шақырды.