Ұйқы қаптары, шатырлар, ас үй жжабдықтары мен тасымалданатын плиталар секілді көптеген көмек материалы Ла Гуайрадағы гуманитарлық көмек жиналатын Хосе Мария Варгас стадионында Ла Гуайра губернаторлығының өкілдеріне табыс етілді.
Көмекті тапсыру рәсіміне Түркияның Венесуэладағы Төтенше және Өкілетті Елшісі Наджи Айдан Караманоғлу, Ла Гуайра губернаторы Хосе Алехандро Теран және TİKA-ның Богота бағдарламасының үйлестірушісі Ахмед Фарук Муштакоғлумен қатар Түрік Қарулы Күштері Гуманитарлық көмек бригадасының қолбасшысы, бригада генералы Мехмет Бахтияр, AFAD өкілдері және Ұлттық медициналық құтқару тобы қатысты.
Елші Караманоғлу өз сөзінде: «Біз гуманитарлық көмекті тапсыру үшін тағы бір мәрте Ла Гуайрада тұрмыз. Бүгін TİKA мұнда 100 шатыр, 200 ұйықтау қабы, 200 төсек және басқа де ас үй бұйымдарын әкелді. Бұл — TİKA-ның жасаған 3-ші көмегі», — деді.
Караманоғлу «Жер сілкінісінен кейінгі жараларды емдеу — бізге өте жақсы таныс процесс, өкінішке орай. Біз мұнда бауырлас Венесуэла халқына жалғыз еместігін, бұл көмектің тек бір реттік емес, алдағы уақытта да жалғасатынын көрсету үшін келдік», — деп атап өтті.
Гуманитарлық көмектің жалғасатынын білдірген Караманоғлу Түркиядан гуманитарлық көмек тиелген 2 ұшақтың 12 шілдеде Венесуэлаға жететінін айтты.
Караманоғлу «Бұдан кейін де дос Венесуэла халқының қасынан табылатынымызды көрсетеміз», — деген мәлімдеме жасады.
TİKA жақын арада Ла Гуайрадағы мұқтаж жандар үшін іздестіру-құтқару жабдықтарын, шұғыл қажеттілік материалдарын, азық-түлік және гигиеналық жиынтықтарды да жеткізген болатын.
