«Yonhap» ақпарат агенттігінің жұма күнгі хабарына қарағанда, Қытай мен Оңтүстік Кореяның қорғаныс өкілдері 15 жылдық үзілістен кейін бірлескен теңіз іздестіру-құтқару (SAREX) жаттығуларын қайта бастау мүмкіндігін қарастырды.
Ресми өкілдер бейсенбі күні Бейжіңде үш жылдан астам уақыттан бері алғаш рет өткізілген 21-ші екіжақты қорғаныс саясаты жиынында кездесті. Қос тарап қорғаныс саласындағы ынтымақтастықты қайта жандандыру талпыныстарын оң бағалады. Сондай-ақ стратегиялық диалог арналарын қалпына келтіру және қорғаныс ведомстволары арасындағы байланыс аясын кеңейту үшін тығыз жұмыс істеуге келісті.
“SAREX” жаттығулары бұған дейін 2005, 2007 және 2008 жылдары өткізілсе, соңғы жаттығу 2011 жылы ұйымдастырылған болатын.
Бұл кездесу қаңтар айының басында Оңтүстік Корея президенті Ли Чжэ Мён мен Қытай мемлекет басшысы Си Цзиньпин арасындағы саммиттен кейін екі елдің қарым-қатынасты жақсарту және шешімін күткен мәселелерді реттеу бағытындағы қадамдары аясында өтті.
