Ливерпуль футбол жұлдызы Диогу Жота жол апатынан қаза тапты
Испанияның Азаматтық гвардиясы Жота мен ағасының батыстағы Самора қаласы маңында жолдан шығып кеткен көлікте қаза тапқанын растады.
Полиция өкілдерінің хабарлауынша, Ливерпуль клубының және Португалия ұлттық құрамасының ойыншысы Диогу Жота мен ағасының Испанияның солтүстік-батысында болған жол апатында көз жұмды. Бұл қайғылы хабар футболшының үйленгенінен небәрі бірнеше апта өткен соң келді.
Азаматтық гвардия өкілдері Самора аймағының солтүстік-батысындағы Чернадилья муниципалитетінде бір автокөліктің тас жолдан шығып кетіп, апатқа ұшырағанын, салдарынан Жота мен ағасы Андре Фелипенің қайтыс болғанын растады.
Португалия премьер-министрі Луиш Монтеенегру: "Португалияның атын зор абыроймен танытқан спортшы Диогу Жота мен ағасының қазасы – күтпеген әрі қайғылы оқиға. Отбасына шын жүректен көңіл айтамын. Бұл – футбол мен ұлттық және халықаралық спорт әлемі үшін ауыр күн", – деді.