ТҮРКИЯ
2 ... минут оқылды
Түркия Инновация апталығында жасанды интеллект пен медиа талқыланды
Іс-шара аясында «Жасанды интеллект дәуіріндегі медиа» атты панель өтті.
Түркия Инновация апталығында жасанды интеллект пен медиа талқыланды
«Түркия Инновация апталығы 2025» жасанды интеллект трансформациясына арналды / AA

Түркия Экспорттаушылар мәжілісі ұйымдастырып,  “Анадолы агенттігі” ғаламдық коммуникация серіктесі болған және Сауда министрлігі қолдау көрсеткен “Түркия Инновация апталығы 2025” жалғасуда.

«Болашақ қазір» тақырыбымен Халич Конгресс орталығында өткен шара аясында «Жасанды интеллект дәуіріндегі медиа» атты панель өткізілді.

Панельдің модераторы жазушы Халил Ибрахим Изги болды, ал “Анадолы агенттігі” Бас директордың орынбасары әрі бас редакторы Юсуф Өзхан спикер ретінде қатысты.

Юсуф Өзхан жасанды интеллектті пайдаланушыларға қысқа жол көрсететін тіл үлгісі деп сипаттады.

Жасанды интеллекттің бүгінге дейін байқалған ең таңғаларлық технология екеніне назар аударған Өзхан оны өзге технологиялық серпілістермен салыстырғанда әлдеқайда қызықты деп бағалады.

«Бұл технологияның құрылысына үңілгенде әлі орнықпаған, өте тәжірибелік деңгейдегі технология екенін көреміз», – деген Өзхан жасанды интеллекттің журналистика тұрғысынан да пайдалы қырлары бар екенін айтты.

Ол жасанды интеллекттің «өнімі» пайдаланушылар екенін, ал компаниялардың нақты деректерді өздерінде сақтайтынын айтып, «Бұл компаниялардың барлығы нақты деректі сақтайды. Тіл үлгілері миллиондаған адамның жадынан асып түсетін мүмкіндіктер береді, миллиондаған адамның бір минутта істей алмайтын нәрселерін ұсына алады. Сол себепті біз де қазір тіл үлгілерімен жұмыс істеп жүрміз және бұл өте қызықты үдеріс»,- деді.

Журналистер қолданатын цифрлық дереккөздерге тоқталған Өзхан: «Бүгінгі таңда жаңа медиа мен цифрлық платформаларға жүгінбей журналистикада жұмыс істеу мүмкін емес. Біз жеті құрлықта қызмет атқаратын жаһандық ақпарат агенттігіміз, мыңдаған журналистпен үнемі байланыстамыз. Басты барлау көзі әлі де цифрлық платформалар болып қала береді, бірақ ең құнды ресурсымыз – тәжірибелі, кәсіби мансабы бар тілші», – деді.

Іздеу
COP31 басталды: Көшбасшылар белсенді болуға шақыруда
Президент Ердоған БҰҰ Бас хатшысы Гутерришті қабылдады
Түркия мен Сауд Арабиясы электр энергетикасы саласында  ынтымақтастық меморандумына қол қойды
БҰҰ Бас хатшысы Гутерриш Түркияға COP31 үшін жоғары баға берді
Йемен: «Хоуситтердің Таизге жасаған шабуылдарынан 73 сағатта 33 адам қаза тапты»
Украина мәселесі бойынша Әбу-Дабиде келіссөз басталды
Қытай ІІ дүниежүзілік соғыста қаза тапқан америкалық ұшқыштардың сүйектерін АҚШ-қа тапсырды
Президент Трамп: “Иранға қарсы жаңа операция қажет емес, бірақ біз дайынбыз”
Түркия мен Өзбекстан қоршаған ортаны қорғау саласында өзара түсіністік меморандумына қол қойды
Резаи Трампты Иранның 7 талабын қабылдауға шақырды
Аныткабірде ұлы көшбасшы Ататүрікті еске алу рәсімі өтті
Фон дер Ляйен Түркия, Румыния және Болгария арасындағы ынтымақтастықты құптады
Президент Ердоған «Apple» басшысы Тим Кукты қабылдады
Израиль армиясы Батыс Шерияда бір мешітке басып кірді
COP31 қатысушылары Ататүрікті бір минут үнсіздікпен еске алды