Польша Ресейдің Украинаға шабуылдарынан кейін екі әуежайын жапты
Польша елдің оңтүстік-шығысындағы Жешув және Люблин әуежайларын уақытша жапты.
НАТО-ға мүше елдің қарулы күштері Ресейдің Украинаның батысына, Польшаның шекарасына жақын аймақтарға жасаған әуе шабуылдарынан кейін әуе кеңістігінің қауіпсіздігін қамтамасыз ету үшін Польша және одақтас елдердің ұшақтары әуеге көтерілгенін хабарлады.
Операциялық қолбасшылық сәрсенбі күні “X” платформасында жасаған мәлімдемесінде:
«Жедел әрекет ететін және ерте ескерту ұшағы әуеге көтерілді, жерүсті әуе қорғанысы мен радар жүйелері ең жоғары дайындық деңгейіне келтірілді», - деп жазды.
Гринвич уақытымен 04:00-де Украинаның Әуе күштері Ресейдің зымыран және дрон шабуылдарына қатысты ескерту жасағаннан кейін бүкіл Украинада әуе дабылы жарияланды.
Польша Әуе навигациясы қызметі агенттігі (PANSA) елдің оңтүстік-шығысындағы Жешув және Люблин әуежайларының уақытша жабылғанын хабарлады.
PANSA мәлімдемесінде: «Әскери авиацияның еркін әрекет етуін қамтамасыз ету мақсатында Жешув және Люблин әуежайлары уақытша жабылды», - делінді.