Президент Ердоған: «Түркия адам құқықтары мәселесінде әлемге үлгі болып отыр»
Президент Ердоған Түркияның Газа, Сирия, Сомали және Ливия сияқты қан мен көз жасы төгілген аймақтарда бейбітшілік пен әділдік орнатуға тырысып жатқанын мәлімдеді.
Түркия Республикасының президенті Режеп Тайып Ердоған Газа, Сирия, Сомали және Ливия сияқты қан мен көз жасы төгілген өңірлерде бейбітшілік пен әділдікке негізделген бастамалары арқылы Түркияның адам құқықтары мәселесінде әлемге үлгі болып отырғанын айтты.
Дүйсенбі күні Анкарадағы Президенттік кешенде өткен кезекті Үкімет отырысынан кейін ұйымдастырылған баспасөз мәслихатында Ердоған аймақтағы қақтығыстар Адам құқықтарының жалпыға бірдей декларациясының, әсіресе өмір сүру құқығының бұзылып жатқанын көрсетіп отырғанын айтты.
Ол сондай-ақ Израильдің соңғы екі жылда Газада бүкіл әлемнің көз алдында жасаған соғыс қылмыстары мен геноцидінің Адам құқықтарының жалпыға бірдей декларациясының бұзылғанының ең айқын дәлелі екенін жеткізді.
«Біріккен Ұлттар Ұйымының Адам құқықтарының жалпыға бірдей декларациясы өңірдегі қақтығыстарда ескерілмей отыр»,- деді Түркия президенті.