Индонезияның Суматра аралын шарпыған бірнеше жойқын су тасқынынан кейін өңірді қалпына келтіру және жақсарту жұмыстары үшін 51,82 триллион рупий (3,11 миллиард доллар) көлемінде қаржы қажет болатыны хабарланды.
Дүйсенбі күнгі ресми деректерге сәйкес, циклон туғызған су тасқыны мен көшкін салдарынан қаза тапқандар саны 950-ге жетті, ал 274 адам әлі із-түссіз жоғалды деп есептелуде. Дауылдар Таиландтың оңтүстігі мен Малайзияда да шамамен 200 адамның өліміне себеп болды.
Индонезияның апаттың алдын алу агенттігінің басшысы Сухарянтоның айтуынша, агенттік залалдың нақты мөлшерін анықтау жұмыстары жалғасып жатқандықтан Ачех, Солтүстік Суматра және Батыс Суматра сияқты үш аймақта қалпына келтіру қорына қажетті сома бұдан да жоғары болуы ықтимал.
Осы үш аймақтың ішінде ең көп қаржыны қажет ететін аймақтың Ачех екенін айтқан Сухарянто бұл өңірге қажет қалпына келтіру қорының мөлшері 25,41 триллион рупий болуға тиіс екенін хабарлады.
Сонымен қатар Солтүстік Суматра мен Батыс Суматраның қалпына келтіру жұмыстарына тиісінше 12,88 триллион және 13,52 триллион рупий қажет екенін атап өтті.
Ол кейбір аймақтар басқа өңірлерге қарағанда жылдам қалпына келіп жатқанын, сондықтан Солтүстік және Батыс Суматрадағы кейбір өңірлерде қайта құру жұмыстарының жақын уақытта басталатынын қосты.
