Бас директор бұл туралы “X” әлеуметтік желісіндегі парақшасында жазды.
«4 мамырдағы дерек бойынша, кеме 1 сәуірде жолға шыққаннан бері 3 өлімді қоса алғанда 7 хантавирус дерегі (2 расталған және 5 күмәнді) анықталды», – деді ол. Осы уақытқа дейін алынған мәліметке сүйене отырып, ДДСҰ бұл вирустың жаһандық қаупін төмен деп бағалап отыр.
Гебрейесустың айтуынша, ДДСҰ кемедегі жолаушылар мен экипажға қолдау көрсету үшін тиісті елдермен және кеме операторының өкілдерімен бірлесіп жұмыс істеуде. «Үйлестірілген халықаралық шаралар жан-жақты тергеуді, науқастарды оқшаулауды және күтімді, медициналық эвакуацияны және зертханалық тексерулерді қамтиды», – деді ол.
Хантавирус
Хантавирус көбінесе кеміргіштер арқылы жұғатын ауру ретінде белгілі.
Кеміргіштердің кепкен нәжісі, зәрі және сілекейі араласқан ауаны жұту, кейде кеміргіштің шағуы немесе тырнауы арқылы жұғатын бұл вирустың дене қызуының көтерілуі, шаршау және бұлшықет ауыру сияқты белгілері бар. Сондай-ақ бұл вирус тыныс алу жеткіліксіздігіне әкелуі мүмкін, ал кейбір жағдайда ішкі қан кету мен бүйрек жеткіліксіздігін тудырады.
