Венесуэла үкіметі ел жағалауындағы су айдынында АҚШ-тың соңғы апталарда жүргізген әскери әрекеттерін қарастыру үшін Қауіпсіздік Кеңесінің шұғыл отырысын өткізуді талап етті.
Хатта АҚШ президенті Дональд Трамп әкімшілігі Венесуэла президенті Николас Мадуроны құлатуға ұмтылып, «аймақтық және халықаралық бейбітшілікке, қауіпсіздік пен тұрақтылыққа қатер төндіріп отыр» деп айыпталды.
Мадуро үкіметі сонымен қатар «өте жақын уақытта» Венесуэлаға қарсы «қарулы шабуыл» жасалуы мүмкін екенін мәлімдеді.
Бұл талап АҚШ Конгресі Трамптың есірткі тасымалдаушыларына қарсы өлімге әкелетін әскери күш қолдану өкілеттігін шектейтін заңды қабылдаудан бір күн өткен соң қойылды.
Осы уақытқа дейін АҚШ әскері Кариб аймағында әскери-теңіз күштерін арттырып, Трамптың есірткі картельдеріне қарсы жариялаған «қарулы қақтығыс» аясында төрт шабуыл жасап, төрт адамды өлтірген.
Алайда Мадуро үкіметі Ақ Үйді есірткі тасымалын операцияға сылтау ретінде пайдаланып отыр деп айыптады.
Венесуэланың БҰҰ-дағы тұрақты өкілі Самуэль Монкада хатында былай деп жазды: «Шын мәнінде, мақсат бір: АҚШ-тың Венесуэлаға қатысты 26 жылдан астам уақыт бойы ұстанып келе жатқан бағыты – Венесуэла аумағындағы мол табиғи ресурстарды бақылау үшін “режимді ауыстыру” саясатын алға жылжыту».
Шиеленістер
Венесуэланың талабында АҚШ-тың есірткі тасымалдады деп айыпталған қайықтарға жасаған төрт шабуылы кезінде қаза тапқан 21 адам туралы айтылмаған.
Трамп әкімшілігінің мәліметінше, бұл қайықтардың үшеуі Венесуэладан шыққан.
Ресей ұзақ уақыт бойы Венесуэланың одақтасы саналады.
Мыңдаған венесуэлалық Мадуроның қаржы тапшылығына тап болған елдің қорғанысын күшейту туралы шақыруына жауап ретінде азаматтық жасақтарға қосылды.
Каракас пен Вашингтон 2019 жылы дипломатиялық қатынастарын үзген болатын.
