“Axios” ақпарат агенттігінің хабарлауынша, АҚШ пен Иран арасындағы ядролық келіссөздер Оманда өтеді деп жоспарлануда.
“Axios” тілшісі Барак Равид “X” әлеуметтік желісінде араб дереккөзіне сілтеме жасай отырып, «АҚШ пен Иран арасындағы ядролық келіссөздер жұма күні Оманда өтеді деп күтілуде», — деп мәлімдеді.
Равид «Аймақтағы араб және мұсылман елдерінің Омандағы келіссөздерге қатысу-қатыспау мәселесі бойынша талқылаулар жалғасуда», — деп толықтырды.
Ақ Үй, Маскат және Тегеран бұл мәселеге қатысты әзірге ешқандай түсініктеме берген жоқ.
Кейбір аймақ елдері өкілдерінің келіссөздерге қатысуы мүмкін екендігі туралы хабарлар тарады, бірақ “Axios” Иранның тікелей келіссөздер жүргізуге күш салып жатқанын хабарлады.
Дональд Трамп әкімшілігі Иран үкіметінің агрессивті жауап қайтаруынан қауіптенген аймақ елдерінің талап етуімен Ирандағы әскери операцияны кейінге қалдыру туралы шешім қабылдағаны хабарланды.
