Ұлттық барлау қызметінің ресми интернет сайтындағы «Арнайы коллекция» айдарында орналасқан «Фотосуреттер» бөлімінде жарияланған көрнекіліктердің қатарына жаңасы қосылды.
Аталған көрнекілік 1901 жылы Разградта туған және барлау қызметінің бастауы болған Ұлттық қауіпсіздік қызметіні мүшесі ретінде маңызды міндеттерді өз мойнына алған Ариф Неджип Каскатының фотосуреті болды.
Фотосуреттің жанында Каскатының өміріне қатысты мынадай мәліметтер орын алды:
«1901 жылы Разградта туған Ариф Неджип Каскаты ҰҚҚ құрамында Болгарияда Түркияға қарсы жүргізілген әрекеттер бойынша 1931 жылдан бастап өзі қаза тапқан 1950 жылға дейін маңызды міндеттерді атқарған. Стамбул газеттерінің көбінің Фракия бойынша тілшісі қызметін атқарған, болгар тілін өте жоғары деңгейде меңгерген және Болгариядағы түрік қандастар арасында «Бай Христо» деген лақап атпен танылған Каскаты қызмет еткен кезеңінде берік мінезімен және отансүйгіштігімен танымал болған. Екі жақты жұмыс істеді деп есептелген болгар агентінің кесірінен 1950 жылдың маусым айында Болгария шекарасынан Түркияның Едирне қаласына өтуге әрекеттенген сәтте болгарлар тарапынан көлігіне жасалған қастандық нәтижесінде қаза тапқан. Рухы шат болсын».
