Дональд Трамп әкімшілігі Сомалиді қоса алғанда көптеген елден келген босқындар тұратын АҚШ-тың Мэн штатында көші-қон бақылауы бойынша рейд бастады.
Билік өкілдерінің айтуынша, президент Трамптың көші-қонға қатысты қысымды күшейту науқаны аясында осы апта солтүстік-шығыстағы штатқа 100-ден астам федерал агент жіберілген. Лауазымды тұлғалардың мәлімдеуінше, операция негізінен босқындарға бағытталмақ.
Мэн штатының басшылығы мен мигранттар көші-қон агенттерінің келуіне өткен аптадан бері дайындалып жатқан еді. Мэн штатының губернаторы, демократ Джанет Миллс өткен апта Трамп әкімшілігінің қатаң шаралары штатта жылы қабылданбайтынын айтты.
Трамп 2025 жылдың ортасынан бері демократтар басқаратын қалалар мен штаттарда көші-қонға қатысты шараларды кеңейтіп келеді.
Соңғы апталарда әкімшіліктің кең көлемді көші-қон қысымы аясында Миннесота штатына шамамен 3 мың федерал агент жіберілген.
