Түркия Республикасы Мәдениет және туризм министрлігі министр Мехмет Нури Ерсойдың АҚШ-тың Түркиядағы елшісі Том Барракті қабылдағанын хабарлады.
Кездесуде Түркия мен АҚШ арасындағы туризмді дамытуға бағытталған күш-жігер, мәдени мұраны қорғау және мәдени құндылықтардың заңсыз саудасымен күрес мәселелері сөз болды.
Ерсой екі тараптың Түркия-АҚШ арасындағы ұзақ жылдардан бері жалғасып келе жатқан қарым-қатынастар шеңберіндегі ынтымақтастықты қайта саралағанын баса айтты.
Ерсой: «Кездесуімізде Түркия мен Америка Құрама Штаттары арасындағы тамыры терең қарым-қатынастар шеңберінде мәдениет және туризм салаларындағы ынтымақтастығымызды жан-жақты талқыладық», — деген сөздерге орын берді.
Министр өзара туризм қозғалысын дамыту, мәдени мұраны қорғау және мәдени құндылықтардың контрабандасымен күресте жүргізіліп жатқан ортақ жұмыстар бойынша сараптама жасалғанын білдіріп, елдер арасындағы диалог пен мәдени байланыстарды одан әрі нығайтатын ынтымақтастықтарға басымдық берілгенін атап өтті.
Бәсекелі әлемде Түркияның «қорғаушылық позициясы»
Елші Баррак Түркияның тарихын, мәдени әртүрлілігін, қонақжайлылығы мен географиялық артықшылықтарын жоғары бағалап, бұлардың елдің жаһандық туризм секторындағы позициясын нығайтқанын айтты.
Сонымен қатар Ерсойдың Түркияның туристік әлеуетін арттыру жолындағы күш-жігерін құптаған Баррак жалғасып жатқан ынтымақтастықтың маңыздылығына назар аударып, «Министр Ерсойдың осы бәсекелі халықаралық ортада Түркияның позициясын қорғау және ілгерілету жолындағы батыл көшбасшылығы шынымен де таңдай қағарлық», — деп баға берді.
