Түркия Әлем кубогының плей-офф кезеңіне жолдама алды
Түркияның ұлттық құрамасы соққан екі гол Испанияның іріктеу кезеңінде қақпасына жіберген алғашқы екі добы болды. Ал Испания топтық кезеңде алғаш рет тең түсті.
Түркия Испаниямен 2:2 есебімен тең түсіп, «Е» тобын екінші болып аяқтады және 2026 жылғы «FIFA» Әлем кубогының плей-офф кезеңіне жолдама алды. Ал Испания бұл матч нәтижесінде Әлем кубогына қатысуды ресми түрде қамтамасыз етті.
Севильядағы «La Cartuja» стадионында өткен ойында Испания 4-ші минутта Дани Ольмоның голымен алға шықты. 42-ші минутта Дениз Гүл есепті теңестірді.
Екінші таймның 54-ші минутында Салих Өзжан алыстан дәл соққы жасап, Түркияны алға шығарды. Алайда Испания 62-ші минутта Микель Оярсабаль арқылы есепті қайта теңестіріп, матчты 2:2 есебімен аяқтады.
Түркияның соққан екі голы Испанияның осы іріктеу кезеңінде өз қақпасына жіберген алғашқы доптары болды. Сонымен қатар Испания осы матч арқылы іріктеудегі алғашқы тең нәтижесін тіркеді.
Түркия плей-офф кезеңінің жартылай финалында Швеция, Румыния, Солтүстік Македония немесе Солтүстік Ирландия құрамаларының бірімен кездеседі.