ҒЫЛЫМ ЖӘНЕ ТЕХНОЛОГИЯ
1 ... минут оқылды
Мексика ең қуатты суперкомпьютерді өндірмек
Мексика үкіметі Латын Америкасында климат, ауыл шаруашылығы, су және энергетика салаларындағы мәселелерді шешуге бағытталған суперкомпьютерге 326,6 млн доллар инвестиция салатынын мәлімдеді.
Мексика ең қуатты суперкомпьютерді өндірмек
Әлемде жасанды интеллект жүйелерімен бірлесіп жұмыс істейтін суперкомпьютерлер өндіру жарысы жүріп жатыр. / AP

Жобаға жауапты лауазымды тұлғалардың хабарлауынша, Мексика Латын Америкасындағы қазіргі ең қуатты компьютерден жеті есе жоғары есептеу мүмкіндігі бар суперкомпьютер жасайды.

Ацтек мифологиясында күш пен өмірдің бастауы саналатын құдайдың атымен “Coatlicue” деп аталған бұл компьютердің есептеу қуаты 314 петафлоп болмақ.

Мексика президенті Клаудия Шейнбаум журналистерге: “Біз бұл суперкомпьютердің халыққа ашық, халыққа арналған суперкомпьютер болғанын қалаймыз,” - деді.

Жасанды интеллект жүйелерімен үйлесімді, жылдам суперкомпьютерлерді дамытуға бағытталған жаһандық бәсеке жалғасып жатыр.

Қазіргі таңда жоғары өнімді есептеу жүйелері саласында АҚШ көш бастап тұр, алайда Еуропа мен Жапония да алғашқы ондыққа кіретін үлгілерді өндірген.

Бір петафлоп секундына 1000 триллион операцияға тең (10¹⁵).

Бразилиядағы жекеменшік компанияға тиесілі “Pegaso” жүйесі қазір 42 петафлоп көрсеткішімен Латын Америкасындағы ең қуатты компьютер саналады.

Қоғамдық қолдану, зерттеу және ұлттық басымдықтар

Мексиканың цифрлық трансформация агенттігінің директоры Хосе Мерино “Coatlicue” суперкомпьютерін құрастыру жұмыстары қаңтарда басталатынын, оның 24 айға созылатынын және жалпы құны 6 млрд песо (326,6 млн доллар) болатынын айтты.

Мериноның айтуынша, суперкомпьютердің негізгі қолдану салалары — климаттық болжам, ауыл шаруашылығы, сондай-ақ су, мұнай және энергетика жобалары сияқты жоғары есептеу қуатын қажет ететін қоғамдық мәселелерді шешу. Сонымен қатар бұл технология ғылыми зерттеулер мен стартап жобаларды қолдау үшін де пайдаланылмақ.

Іздеу
Еуропаның бес елі мигранттарды Руандаға көшіруді жоспарлап отыр
АҚШ-та әуе қатынасындағы іркілістер әлі  жалғасуда
Ресейді соғысты жалғастыру үшін сылтау іздеп отыр деп айыптады
Ресей Украинаның 1300-ден астам ұшқышсыз ұшу аппаратын атып түсіргенін мәлімдеді
COP31 төрағасы: “Әр елдің даму жолы әртүрлі, бірақ болашағымыз ортақ”
АҚШ және 9 ел жасанды интеллект қауіпсіздігі саласындағы ынтымақтастықты нығайтады
Эстония 1 желтоқсаннан бастап Ресеймен шекарасын жабады
Израильде сайлау кезіндегі арандатушылыққа Нетаньяхудың қатысы бар деген күдік туды
«Түркия Палестинаны қолдауды жалғасырады»
НАТО-ның келесі саммиті Албанияда өтеді
Президент Ердоған: «Палестина күресін барлық мінберде қорғаймыз»
Президент Ердоған COP31 аясында қарқынды дипломатиялық кездесулер өткізуде
Украина Ресейдің Волгоград қаласына шабуыл жасады
«Көшбасшылардың COP31 саммитінде танытқан табандылығы Париж климаттық келісімі үшін үміт ұялатады»
Трамп қызметінен кетпес бұрын Куба мәселесін шешуді көздеп отыр