Мысырдың Синай түбегінде таңертең болған автобус апатынан 16 адам қаза тапты.
Дахаб пен Нувейба туристік қалалары арасында жүріп келе жатқан жолаушылар автобусы жүргізушінің басқаруынан шығып, аударылып қалған. Апат салдарынан 28 адам жарақат алды.
Мысырдың Денсаулық сақтау министрлігі зардап шеккендерді эвакуациялау және алғашқы медициналық көмек көрсету үшін оқиға орнына 20 жедел жәрдем көлігі жіберілгенін хабарлады.
