Түркия Еуропадағы қауіпсіздік және ынтымақтастық ұйымының құрылуына негіз болған Хельсинки қорытынды келісімінің 50 жылдығын атап өтті.
Министрліктің жұма күні жариялаған мәлімдемесінде былай делінген: «Қырғи қабақ соғыс дәуірінде блоктар арасындағы келіспеушіліктер мен шиеленістерді азайту мақсатындағы Еуропадағы қауіпсіздік және ынтымақтастық конференциясы барысында 1975 жылы қол қойылған Хельсинки қорытынды келісімі Еуро-Атлантика және Еуразия аймақтарын қамтитын диалог пен ынтымақтастыққа негізделген қауіпсіздіктің іргетасын қалады» делінген.
Хельсинки қорытынды келісіміне қол қойған алғашқы елдердің бірі болған Түркия бұл процесті әу бастан-ақ қолдады.
Мәлімдемеде «Түркия тек аймақтық бейбітшілік пен тұрақтылыққа берік екенін растап қана қоймай, халықаралық құқық принциптері негізінде қалыптасқан Еуропа қауіпсіздігінің архитектурасының құрылуына белсенді үлес қосты» делінген.
Сондай-ақ мәлімдемеде Түркияның 1994 жылы Еуропадағы қауіпсіздік және ынтымақтастық ұйымын құрған конференциядан бері ұйымға деген адалдығын сақтап келе жатқаны атап өтілді.
«Түркия саяси-әскери, экономикалық, экологиялық және гуманитарлық аспектілерді қамтитын кең ауқымды қауіпсіздік түсінігіне негізделген Еуропадағы қауіпсіздік және ынтымақтастық ұйымына белсенді түрде үлес қосуды жалғастыруда. Еліміз бұдан кейін де көпжақты дипломатия, диалог және ынтымақтастық ұстанымын табандылықпен жалғастырады және барлық қауіпке қарамастан Еуропадағы қауіпсіздік және ынтымақтастық ұйымы аясында тұрақтылық пен бейбітшіліктің орнауына үлес қосуды жалғастырады» делінген.
