“Fox” арнасының тілшісі Трей Ингстке сұхбат берген АҚШ президенті Дональд Трамп Иран талаптарды қабылдамаған жағдайда, бұл елді «жарып жіберу» қажеттілігінің тек уақыт еншісіндегі мәселе екенін білдірді.

Дональд Трамп мүмкін нұсқалардың ішінде Иранды толығымен жойып жіберу, оны экономикалық жағынан күйрету немесе келісім жасасу сияқты таңдаулардың бар екенін айтты.

Бұл мәлімдемелер Тегеран билігінің «АҚШ немесе Таяу Шығыстағы (бір ел) қателік жіберсе, ауыр соққылардың нысанасына айналады» деген ескертуінен кейін жасалды.

Екінші жағынан АҚШ Мемлекеттік департаменті аймақтағы америкалықтар үшін қауіпсіздік ескертуін жариялады.

Ал Иран Төңкеріс сақшылары корпусының ресми өкілі Хусейн Мухибби АҚШ-тың өз еліне жасауы мүмкін жаңа шабуылына қатысты «Егер жаңа шабуыл болса, біздің қорғанысымыз бен шабуылдарымыз айтарлықтай өзгереді. Жаңа шабуыл болса, қару-жарақ пен соғыстың географиясын өзгертеміз», — деді.

Мухибби өзі қатысқан теледидар бағдарламасында күн тәртібіндегі мәселелерге қатысты мәлімдеме жасады.

АҚШ пен Израильдің Иранға қарсы жаңа шабуыл жасау ықтималдығын бағалаған Мухибби мынадай сөздерді тілге тиек етті:

«Егер жаңа шабуыл болса, біздің қорғанысымыз бен шабуылдарымыз айтарлықтай өзгереді. Жаңа шабуыл болса, қару-жарақ пен соғыстың географиясын өзгертеміз. Майданға жаңа мүмкіндіктермен жабдықталған жаңа қаруларды шығарамыз және бүкіл әлем қайран қалады. Біздің көздегеніміз бұрынғы нысаналар емес. Бұрын-соңды соққы берілмеген жаңа нысаналарды белгіледік».