Грекияның “Kathimerini” газеті 7–8 шілде күндері Анкарада өтетін НАТО саммитінде Түркияның Альянс ішіндегі рөлінің одан әрі күшею ықтималдығы Израильде алаңдаушылық туғызып отырғанын жазды.

Басылымның хабарлауынша, Түркияның НАТО-дағы ықпалының арту мүмкіндігі Беньямин Нетаньяхудың соңғы күндері жасаған мәлімдемелері мен әрекеттерінен байқалады.

Газет Израиль үкіметінің өткен аптада 1915 жылғы оқиғаларға қатысты армяндардың ұстанымын мойындауын осы алаңдаушылықтың көрінісі деп бағалады.

Мақалада Нетаньяхудың: «Президент Режеп Тайып Ердоғанның Израильдің жойылуын қаламайтын бірде-бір күні жоқ» деген сөзі шындыққа сәйкес келмейтіні атап өтіледі. Басылым: «Ердоған ешқашан Израильдің жойылуы туралы айтқан емес. Алайда ол НАТО-дағы жалғыз мұсылман елдің көшбасшысы ретінде Израильдің Газадағы шектен шыққан әрекеттерін қатаң сынға алды», – деп жазады.

Сонымен қатар мақалада 1492 жылы католиктік Испаниядан қуылған еврейлердің Османлы мемлекетінде пана тапқаны еске салынады.

Басылым: «Ұлтшыл Түркияда да христиандық Еуропадағыдай антисемитизм ешқашан болған емес», – деген пікір білдірді.