Израиль әскері Кунейтра уәлаятының солтүстігінде орналасқан Джабата әл-Хашаб елді мекеніне басып кіріп, екі адамды тұтқындады.

Сирияның мемлекеттік «Әл-Ихбария» телеарнасының хабарлауынша, Израиль сарбаздары Джабата әл-Хашаб елді мекенінде рейд жүргізіп, бірнеше үйді тінтіген. Израиль күштері операция барысында екі адамды ұстап әкеткен.

Израиль 2024 жылдың желтоқсан айында Башар Асад режимі  күйрегеннен кейін 1974 жылы жасалған «Күштерді ажырату туралы келісімді» бұзып, Сирияның оңтүстігіндегі Дераа және Кунейтра уәлаяттарында 10 әскери база мен бекет салған.

Сирия президенті Ахмед Шараның бұған дейінгі мәлімдемесіне сәйкес, Израиль күштері 2024 жылдың 8 желтоқсаны мен 2025 жылдың 18 шілдесі аралығында Сирияның түрлі аймақтарына мыңнан астам әуе соққысын жасап, шамамен 400 рет рейд жүргізген.