«Жібек жолының жаңа мүмкіндіктері: Еуразия ынтымақтастығына жаңа серпін» тақырыбымен ұйымдастырылған 9-шы Қытай-Еуразия көрмесі Үрімші қаласында басталды.

Түркия Сауда министрлігінің үйлестіруімен көрмеде Эгей экспорттаушылар одақтары, салалық ұйымдар мен «Ülker», «Karafırın», «Mehmet Türkel» және «Belizza» сынды компаниялар Қытайдағы және Азия нарығындағы сатып алушыларға өнімдерін таныстыратын стендтер ашты.

Түркияның Қытайдағы елшісі Селчук Үнал Сауда бас кеңесшілігінің өкілдерімен бірге түрік компанияларының стендтерін аралап, олардың қызметі туралы ақпарат алды және компанияларға табыс тіледі.

Елші Үнал көрме аясында жергілікті билік өкілдерімен де кездесті.

Көрмеге 27 ел мен өңірден 2 мыңнан астам бизнес өкілі қатысып жатыр

Көрменің ашылу рәсімі 25 маусымда Шыңжаң халықаралық конгресс және көрме орталығында өтті. Рәсімге Қазақстан премьер-министрінің орынбасары Серік Жұманғарин, Қырғызстан министрлер кабинеті төрағасының орынбасары Эрлист Акунбеков және Пәкістан Ұлттық ассамблеясы төрағасының орынбасары Сейд Гулам Мұстафа Шах қатысып, сөз сөйледі.

Қытай премьер-министрінің орынбасары Дин Сюэсян көрменің ашылуында Қытай мен Еуразия елдерін даму стратегиялары арасындағы ықпалдастықты тереңдетуге, ашықтықты кеңейтуге және өзара тиімді өңірлік экономикалық-сауда ортасын бірлесіп қалыптастыруға шақырды.

Биыл 25–29 маусым аралығында өтіп жатқан 9-шы Қытай–Еуразия көрмесіне 27 ел мен өңірден 2 мыңнан астам өкіл қатысуда.