Иран президенті Масуд Пезешкиан елінің бұғатталған активтеріне қатысты «Бекітілген бағдарламаға сәйкес, Катардағы 12 миллиард долларлық бұғатталған активтің 6 миллиард доллары елге қайтарылады», — деді.
Иран Президенті әкімшілігінің мәлімдемесіне сүйенсек, Пезешкиан Құм қаласында діни қайраткер Аятолла Шебири Зенжанимен өткен кездесуінде елінің бұғатталған қаржылық активтеріне байланысты түсініктеме берген.
«Әзірленген жоспар бойынша Катарда жатқан 12 миллиард долларлық бұғатталған қаражаттың 6 миллиард доллары елге қайтады», — деген Пезешкиан қалған 6 миллиард долларды да елге қайтару үшін қажетті жұмыстардың жүргізіліп жатқанын атап өтті.
Бұған қоса Пезешкиан АҚШ-пен қол қойылған өзара түсіністік меморандумының Иран халқы үшін үлкен жетістік екенін білдіріп, аталған уағдаластық аясында Иран мұнайына бағытталған санкциялардың күші жойылғанын еске салды.
