Италия премьер-министрі Джорджия Мелони бейсенбі күні жасаған мәлімдемесінде Израильдің Газада жалғыз католик шіркеуін бомбалағанын айтты. «ANSA» ақпарат агенттігі шабуыл кезінде екі әйелдің қаза тапқанын хабарлады.
Мелони «Израиль Газада Қасиетті отбасы шіркеуін нысанаға алды», - деді. Ол бейбіт тұрғындарға бағытталған мұндай шабуылдарды «қабылданбайтын әрекет»деп атады.
Шабуыл кезінде Палестина аймағындағы жалғыз католик шіркеуі зардап шекті. Ватикан бұл мәселеге қатысты пікір білдірмесе де, Израиль әскері оқиғаға байланысты тергеу бастағанын хабарлады.
«Қабылданбайды»
Италияның «ANSA» ақпарат агенттігі шабуыл кезінде алты адамның ауыр жарақат алғанын мәлімдеді. Сондай-ақ Израильдің палестиналықтарға қарсы соғысына қатысты марқұм Рим Папасы Францискке үнемі мәлімет беріп отырған шіркеу қызметкері Габриеле Романеллидің аяғынан жеңіл жарақат алғаны айтылды.
Премьер-министр Мелони мәлімдемесінде «Израиль Газадағы Қасиетті Отбасы шіркеуін бомбалады. Израильдің бірнеше айдан бері бейбіт тұрғындарға бағытталған шабуылдары қабылданбайды. Ешбір әскери әрекет мұндай ұстанымды ақтай алмайды», - деді.
