Билік өкілдерінің мәлімдеуінше, Индонезияның Бали аралына бет алған паром апатқа ұшырап, кем дегенде төрт адам қаза тапқан. 38 адам жоғалып кеткен.
«KMP Tunu Pratama Jaya» деп аталатын паром сәрсенбі түні суға батпай тұрып 65 адамды тасымалдады»,- деп мәлімдеді Сурабаядағы құтқару тобы.
Қазіргі уақытқа дейін 23 адам құтқарылған, алайда құтқару жұмыстары қатты жел, толқын мен күшті ағын салдарынан баяу жүріп жатыр.
Паром Шығыс Явадағы Баньуванги аймағындағы Кетапанг портынан шығып, Бали аралындағы Гилиманук портына қарай бет алған болатын.
Индонезияның министрлер кабинетінің хатшысы Тедди Индра Виджаяның айтуынша, Сауд Арабиясына сапармен барған Президент Прабово Субианто бұл оқиғаға байланысты шұғыл әрекет ету туралы бұйрық берген. Апат қолайсыз ауа райы салдарынан болған.
