Израиль армиясының Газа секторындағы бір үйге жасаған шабуылынан 4 палестиналық қаза тапты.
Израиль күштері Газа секторының солтүстігіндегі Бейт-Лахия қаласында орналасқан Камал Адван ауруханасының маңындағы үйді бомбалады.
Шабуылдан қаза тапқан 4 адамның денесі мен бірнеше жаралы Камал Адван ауруханасына жеткізілді.
Газа секторының оңтүстігіндегі Хан-Юнус қаласында да Израиль армиясының кеше таңертең жасаған шабуылынан бір палестиналық қаза тапқан еді.
Хан-Юнустағы Насыр ауруханасы Израиль армиясының кешегі шабуылдарынан жараланған тағы 2 адамның ауруханада көз жұмғанын хабарлады.
Газада атысты тоқтату келісімі 10 қазанда күшіне енгеннен бері Израиль шабуылдарынан 1 296 адам қаза тауып, 4 мың 296 адам жараланды. Үйінді астынан 814 адамның денесі шығарылды.
2023 жылдың қазанынан бері Израильдің Газа секторына жасаған шабуылдарынан қаза тапқандар саны 73 мың 431-ге, жараланғандар саны 174 мың 437-ге жетті.
