Түркия Республикасы президенті жанындағы Коммуникация басқармасы президент Режеп Тайып Ердоғанның жексенбі күні Еуропалық Комиссия төрайымы Урсула фон дер Ляйенмен Иранға жасалған соңғы шабуылдар мен соның салдарынан туындаған аймақтық шиеленісті талқылағанын хабарлады.
Әңгіме барысында Ердоған барлық тарапты дипломатия мен келіссөздерге шақыра отырып, бейбітшілік процесіне кез келген қолдау көрсетуге дайын екенін баса айтты.
Сонымен қатар Ердоған осы процесс барысында Түркия мен Еуропа Одағы арасындағы тығыз үйлесімділікті сақтаудың маңыздылығына назар аударды.
Естеріңізге сала кетейік, АҚШ пен Израиль сенбі күні Иранға шабуыл жасап, бұл операция барысында рухани көсем Әли Хаменеиді қоса алғанда, бірнеше жоғары лауазымды жетекші өлтірілді. Тегеран бұған жауап ретінде Израиль, АҚШ нысандарын және Парсы шығанағының бірнеше елін нысанаға алған ұшқышсыз ұшақтар мен зымырандар арқылы қарымта соққы берді.
Израиль мен АҚШ өткен жылдың маусым айында Иранға осыған ұқсас шабуыл жасаған болатын, бұл жағдай атысты тоқтату жарияланғанға дейін 12 күндік соғысқа ұласқан еді.
