Ресей Балтық және Солтүстік флоттарының қатысуымен және әуе күштерінің қолдауымен Балтық теңізінде әскери-теңіз жаттығуын өткізгенін хабарлады.

Қорғаныс министрлігінен жасалған мәлімдемеде теңіз күштерінің дұшпан теңіз флотына шабуыл жасау үшін жаттығу жүргізгені айтылды, бірақ оқу-жаттығудың басталу және аяқталу уақыты жарияланбады.

Солтүстік флотқа тиесілі және «Циркон» гиперсоникалық қанатты зымырандарын тасымалдайтын «Адмирал Касатонов» фрегаты Балтық флотының кемелермен бірлесіп, электронды атуды жүзеге асырғаны айтылды.

Министрліктің хабарлауынша терроризмге қарсы топ лаңкестер басып алған кемелерді тексеру және құтқару бойынша оқу-жаттығу жүргізді.

Әскери-теңіз күштері мен әуе күштері теңіз қауіпсіздігін қамтамасыз ету, кемелерді басып алуға жол бермеу және дұшпан мемлекеттердің заңсыз әрекеттеріне қарсы тұру үшін бірлескен операция жүргізді. Сонымен қатар «Су-27» жойғыш ұшағы экипажы жаудың жалған ұшақтарымен симуляциялық әуе ұрыстарын жүргізді және виртуалды зымырандарды атқылады.