Украина президенті Владимир Зеленский Грекия, Франция және Испания сапарларынан кейін жалпы құны 1,1 миллиард еуродан (1,27 млрд доллар) асатын жаңа қорғаныс және энергетика міндеттемелерін егжей-тегжейлі түсіндіріп, бұл келісімдер Украинаның әуе қорғанысын, авиациясын және қысқы маусымдағы энергетикалық қауіпсіздігін күшейтетінін айтты.
Зеленский сәрсенбі күні «Telegram»-да жасаған мәлімдемесінде, Афинада қол қойылған келісім аясында Грекия жылыту маусымы үшін Украинаға газ жіберетінін айтып, бұл елді «Украина мен бүкіл Орталық және Шығыс Еуропа үшін маңызды энергетикалық хаб» деп сипаттады.
Зеленскийдің айтуынша, Франция қорғаныс саласындағы ынтымақтастықты айтарлықтай кеңейтуді мақұлдады. Бұл Украинаға 2035 жылға дейін 100 «Rafale» «F4» ұшағын алу жоспарын, сондай-ақ «SAMP/T» әуе қорғаныс жүйелерін, заманауи радарларды, әуе класындағы зымырандарды және басқарылатын әуе бомбаларын қамтиды. Париж сонымен қатар жыл соңына дейін жаңа әскери көмек пакетін жеткізбек.
Зеленский Испанияның да Украина үшін Бірінші кезектегі қажеттіліктер тізімі бастамасы аясында әуе шабуылына қарсы қорғаныс зымырандары үшін 100 млн еуро (115,7 млн доллар), «SAFE» механизмі бойынша 215 млн еуро (248,7 млн доллар) және Украинаның энергетика секторын қолдау үшін 200 млн еуро (231,4 млн доллар) бөлуге міндеттеме алғанын айтты.
«PURL» бастамасы ˗ Канада мен Еуропадағы НАТО елдеріне Украина үшін АҚШ-та шығарылған қару-жарақ сатып алуды қаржыландыруға мүмкіндік беретін АҚШ-НАТО бағдарламасы.
Сонымен қатар Мадрид «IRIS-T» әуе қорғаныс зымырандарын қамтитын қосымша қорғаныс пакетін дайындап жатыр.
Украина президенті Владимир Зеленскийдің Анкараға ресми сапары
Зеленский бастаған Украина делегациясы таңертең Анкараға келіп, Түркия Республикасының негізін қалаушы Мұстафа Кемал Ататүріктің мемориалдық мавзолейі Анытқабірге барып, құрмет көрсетті.
Украина президенттік кешенінің басшысы Андрей Ермак кездесулердің нәтижелі, жұмыс барысындағы атмосферада өтіп жатқанын айтты. Ол сондай-ақ АҚШ президенті Дональд Трамп әкімшілігінің өкілдерімен, соның ішінде елші Стив Уиткофпен үйлестіру жұмыстарының жалғасып жатқанын мәлімдеді.
