Венесуэла вице-президенті Делси Родригес Президент Режеп Тайип Ердоғанның шақыруымен Түркияға келді.

Президент Ердоған Венесуэла вице-президенті Родригеспен Президенттік Долмабахче кеңсесінде кездесу өткізді.

Кездесуге Түркияның вице-президенті Джевдет Йылмаз, Сыртқы істер министрі Хакан Фидан, Энергетика және табиғи ресурстар министрі Алпарслан Байрактар, Өнеркәсіп және технология министрі Мехмет Фатих Кажыр, Сауда министрі Өмер Болат, Президент аппараты жанындағы Коммуникация басқармасының басшысы Бурханеттин Дуран және Президенттің Сыртқы саясат және қауіпсіздік жөніндегі бас кеңесшісі Акиф Чагатай Кылыч қатысты.

Кездесу барысында Түркия–Венесуэла екіжақты қарым-қатынастары мен жаһандық даму үрдістері талқыланды.

Президент Ердоған Түркияның әрдайым дос Венесуэла халқының жанында екенін атап өтті.

Ердоған Түркия мен Венесуэланың сауда, энергетика және тау-кен өндірісі салалары басым бағыттар бола отырып, көптеген саладағы ынтымақтастығын одан әрі дамытуға ниетті екенін баса айтты.

Кездесуде сондай-ақ 3 миллиард АҚШ доллары көлеміндегі сауда айналымы мақсатына қол жеткізу үшін ұйымдастырылатын шаралар да қарастырылды.