Сәрсенбі таңертең Израильдің Газзаны соққымен қиратқан аудандарға жасаған шабуылдарынан соң ең кемі он екі палестиналық қаза тапты, олардың алтауы бала болатын.
«AA» агенттігіне денсаулық саласындағы дереккөздердің айтуынша, Газаның солтүстігіндегі Джебалия ауданында әл-Нажжар отбасының үйіне жасалған шабуыл нәтижесінде сегіз палестиналық қаза тапты, оның алтауы -жасөспірімдер. Сонымен қатар көптеген адам жарақат алды.
Газаның орта бөлігіндегі Бурейдж босқындар лагерінде орналасқан пәтерге жасалған шабуылда бір ересек адам мен оның жасөспірім баласы қаза тапты.
Оңтүстіктегі Хан-Юнис қаласында бейбіт тұрғындар жиналған аумаққа бомба тасталу нәтижесінде бір әйел мен тағы бір палестиналық қайтыс болып, көптеген адам жарақат алды.
Куәгерлердің айтуынша, аймақта жоғалған адамдарды іздеу-құтқару жұмыстары жалғасуда.
Сәрсенбі күнгі шабуылдар Израиль 2023 жылдың наурыз айының басынан бастап Газаға гуманитарлық көмек өтуіне тосқауыл қойып, азық-түлік тапшылығы күшейген кезеңде болды.
Израиль армиясы 19 қаңтарда Газадағы атысты тоқтату келісімінен кейін 18 наурызда шабуылдарын қайта бастады. Осы уақыт ішінде көбінесе қарттар мен әйелдер және балалардан тұратын 792-ден астам палестиналық қаза тапты, 1663-і жарақат алды.
2023 жылдың 7 қазан күнінен бастап Израильдің Газаға жасаған шабуылдарында қаза тапқан палестиналықтардың саны 50 144-ке, жарақат алғандар саны 113 704-ке жетті.
