АҚШ Қорғаныс министрі Пит Хегсет АҚШ әскері қажет болған жағдайда Иранға қарсы соққыларды қайта бастауы мүмкін екенін мәлімдеді.
«The Hill» басылымының хабарлауынша, Хегсет Висконсин штатындағы әскери базаға жасаған сапарынан кейін журналистерге Иранға қатысты мәлімдеме жасады.
«Егер әскери күш қолдану қажет болса, оны қолданамыз. Иран өз мүмкіндіктерін шектен тыс пайдаланса немесе АҚШ әскерімен текетіреске барса, біз қажетті шараларды қабылдаймыз», — деді Хегсет.
Ол қазіргі кезде Иранға ең көп зиян келтіріп отырған фактор экономикалық қысым екенін айтып, «АҚШ Ормуз бұғазын бақылауда ұстап отыр», - деп мәлімдеді.
«Иран Ормуз бұғазы арқылы ештеңе өткізе алмайды. Ал біз өткізе аламыз. Әлемдік экономика мұны жақсы түсінеді. Сондықтан олар бұғазды бақылауға алуға тырысты, бірақ мақсатына жете алмады», — деді Пит Хегсет.
