АҚШ Мемлекеттік хатшысы Марко Рубио Армения мен Әзербайжан арасындағы бейбіт келісімді құптап, аймақтағы тұрақты қауіпсіздік пен өркендеудің маңыздылығына тоқталды.

Мемлекеттік департаменттің баспасөз хатшысы Тэмми Брюс сейсенбі күні Рубио мен Армения премьер-министрі Никол Пашинянның телефон әңгімесінен кейінгі мәлімдемесінде «Мемлекеттік хатшы Әзербайжанмен бейбіт келісімді құптады және аймақтық қақтығыстар циклін бұзып, Оңтүстік Кавказға қауіпсіздік пен гүлдену әкелетін тұрақты бейбітшіліктің маңыздылығын атап өтті» делінген.

Мәлімдемеде Рубио мен Пашинянның Оңтүстік Кавказдағы кез келген шиеленістің күшеюіне жол берілмейтіні туралы келіскені айтылған.

Сондай-ақ екі тарап өз елдері арасындағы стратегиялық серіктестікке негізделген ортақ мүдделерді шешу арқылы екіжақты ынтымақтастықты нығайтуға бейілді екендіктерін қуаттады.

Бұл телефон әңгімесі Әзербайжан мен Армения бейбіт келісім жобасы бойынша келісімге келгендерін жариялағаннан бірнеше күн өткен соң болды.