Өзбекстан президенті Шавкат Мирзиёев технология мен инновацияға негізделген трансформация арқылы ел экономикасының көлемін 2030 жылға қарай 240 миллиард доллардан асыруды жоспарлап отырғандарын мәлімдеді.

Азия даму банкінің Басқарушылар кеңесінің отырысы «Прогрестің бетбұрыс кезеңі: Аймақтың өзара байланысқан болашағын қалыптастыру» тақырыбымен Самарқандтағы «Жібек жолы» көрме және конгресс кешенінде жалғасуда.

Шараның екінші күнінде «Азия даму банкі Басқарушылар кеңесінің ашылу жиналысы» өтті. Мирзиёев мұнда сөйлеген сөзінде өз елінің мыңдаған жылдық тарихы бар екеніне және Ұлы Жібек жолының қиылысында орналасқанына назар аударып, шығыс пен батысты, солтүстік пен оңтүстікті байланыстыратын орталық екенін атап өтті.

Өзбекстан экономикасының жаңа даму кезеңін бастан өткеріп жатқанын білдірген Мирзиёев соңғы жылдары ел экономикасына 150 миллиард доллар көлемінде шетелдік инвестиция тартылғанын және мыңдаған заманауи кәсіпорын құрылғанын жеткізді.

Мирзиёев 2020 жылдан бері Өзбекстанның несиелік рейтингінің үздіксіз жақсарып келе жатқанын және жаһандық тұрақсыздыққа қарамастан, ел экономикасының осы жылдың бірінші тоқсанында 8,7% өскенін мәлімдеді.

Азия даму банкімен серіктестік аясында шамамен 16 миллиард долларлық жоба жүзеге асырылып жатқанын тілге тиек еткен Мирзиёев: «Біз Банкімен кедейлікті азайту, адами капиталды дамыту және заманауи инфрақұрылым салу сияқты маңызды салалардағы тығыз ынтымақтастығымызды одан әрі кеңейтудің нақты жоспарларын белгіледік. Осыған орай, өткен күні банкпен 12 миллиард долларлық жаңа ынтымақтастық бағдарламасына қол қойдық», — деді.

Технология дәуірінде маңызды пайдалы қазбалар үшін бәсекелестіктің артып келе жатқанын түсінетіндерін білдірген Мирзиёев өз елінің маңызды минералдармен қатар көптеген кен орындары бойынша бай резервке ие екенін айтып, сөзін былай жалғастырды: