Түркия президенті Режеп Тайып Ердоған «Көгілдір Отанда» озбырлыққа да, ұрлыққа да, қарақшылыққа да ешқашан жол берілмейтінін бәрі білуі тиіс екенін атап өтті.
Президент аппараты жариялаған жаңа жылдық жолдауында Ердоған Анкараның Жерорта теңізіндегі елдің және Кипр түрік халқының мүдделеріне бағытталған артып келе жатқан арандатулар мен қатерлерді мұқият бақылап отырғанын айтты.
Сирияда бейбітшілік орнаған сайын өз еркімен елге қайтушылардың саны да артып жатқанын білдірген Ердоған соңғы бір жылда 600 мың сириялықтың өз еліне оралғанын атап өтті. Ердоған Түркияның этникалық немесе діни ерекшеліктерге қарамастан, Сирия халқының тыныштығы мен қауіпсіздігі үшін жаңа басшылыққа қолдау көрсететінін баса айтты.
Газа мәселесіне тоқталған Ердоған көбі әйелдер мен балалар болып табылатын 71 000 палестиналықтың өліміне жауаптылар есеп бергенше Түркияның үнсіз қалмайтынын мәлімдеді. Сондай-ақ ол Израиль шабуылдарының тоқтауы, Газаға гуманитарлық көмектің тезірек жеткізілуі және қайта құру жұмыстарының басталуы үшін қарқынды жұмыс істеп жатқанын қоса айтты.
