Ресейдің Ленинград облысында елдің ең ірі электрондық коммерция платформасы “Wildberries”-ке тиесілі қоймаға жасалған ұшқышсыз ұшу аппаратының шабуылынан шыққан өрт салдарынан 3 адам жараланды.
Ленинград облысының губернаторы Александр Дрозденко жазбаша мәлімдемесінде Всеволожск ауданындағы “Wildberries” қоймасына дронмен шабуыл жасалғанын хабарлады.
Дрозденконың айтуынша, шабуылдан кейін қоймада өрт шығып, 3 адам жарақат алып, ауруханаға жеткізілген.
Сондай-ақ ол тағы бір дронның Киров ауданындағы құс шаруашылығы кәсіпорнының қоймаларының біріне тигенін, соның салдарынан ғимараттың бір бөлігі опырылғанын, алайда зардап шеккендер болмағанын мәлімдеді.
“Wildberries” компаниясы шабуылдан кейін өңірдегі кейбір логистикалық орталықтарының жұмысын уақытша тоқтатқанын хабарлады.
Соңғы күндері Ресейдегі ең ірі электрондық коммерция платформасы “Wildberries”-тің әртүрлі логистикалық орталықтарына шабуылдардың артқаны атап өтілді.
