Энергетикалық «DTEK» компаниясы Ресейдің Украинаның оңтүстігіндегі Қаратеңіз жағалауындағы Одесса облысында орналасқан энергетикалық нысанға жасаған шабуылы материалдық шығынға әкелгенін хабарлады.
Компания сейсенбі күнгі мәлімдемесінде «Залал өте ауқымды. Жабдықтарды қайта іске қосу үшін қажет жөндеу жұмыстары ұзақ уақыт алуы мүмкін», - деді.
Аймақ губернаторы Олег Кипер бұған дейін кейбір елді мекендердің ішінара жарықсыз қалғанын айтқан. Ол «Telegram» желісіндегі жазбасында «Жау түнде Одесса облысының энергетикалық инфрақұрылымына тағы бір шабуыл жасады», - деді.
Кипердің сөзінше, маңызды инфрақұрылым нысандары генераторлар арқылы жұмысын жалғастырып жатыр және қалпына келтіру жұмыстары жүргізілуде.
Мәскеу қазан айынан бері Украинаның электр желісі мен басқа да энергетикалық инфрақұрылымдарына шабуылдарын күшейтті. Бұл қыстың қақаған суығында миллиондаған адамды жарықсыз, әрі жылусыз қалдырды. Одесса қаласы мен оның айналасы мұндай шабуылдардың нысанасына айналып отыр.
