Кремльдің мәлімдемесіне сәйкес, Ресей президенті Владимир Путин түстен кейін Мәскеуде АҚШ-тың арнайы өкілі Стив Уиткоффпен Украина мәселесін талқылау үшін кездеседі. Екі тарап АҚШ жоспары жөніндегі талқылаулардан кейін кездеспек.

Кремль өкілі Дмитрий Песков дүйсенбі күнгі брифингте журналистерге: «Уиткоффпен кездесу ертең өтеді деп жоспарланған», - деп, кездесудің ертең түстен кейін өтетінін айтты.

Өткен апта Путин Ресей шабуылдарын тоқтату шарты ретінде Киевтен Мәскеу өз жері деп санайтын аймақтарды беруді талап етті. Бермеген жағдайда Ресей әскері бұл аумақтарды күшпен алатынын жеткізді.

Уиткофф бұған дейін де бірнеше рет Кремльде Путинмен кездескен болатын.

Америкалық өкіл Мәскеумен жүргізген келіссөздеріндегі ұстанымы үшін сынға ұшыраған еді. АҚШ-тың соғысты тоқтатуға арналған алғашқы жоспары сарапшылар тарапынан сынға алынып, Мәскеудің талаптары көбірек қарастырылғаны айтылды. Еуропалық Одақ алдағы апта Украина үшін «маңызды бетбұрыс кезеңі» болуы мүмкін екенін мәлімдеді.

Дүйсенбі күні Украина президенті Владимир Зеленский Парижге барып, Еуропаның Киевке қолдауын арттыруға күш салды.

АҚШ президенті Дональд Трамп төрт жылға созылған соғысты тоқтатуға бағытталған ықтимал келісімге оң көзқарас білдірді.